其實講o左好多次我係呢間公司做o左快廿年~
廿年前係日本讀完日文返香港,
真係一無所有,人又無錢又冇
申請去日本前同拍拖7年的男友分手
係日本洗到仙都唔仙返香港
最記得係日本機場剩番少少yen都要買盡, 最後買的係一pack3卷的黑白菲林~ ^^
返到香港唔洗一個月搵到依家呢間公司
中學畢業出o黎做o野開始, 從來都唔會搵10蚊洗10蚊~
比家用老媽之外緊要剩番少少
返正職之外總會返多份part-time
從來老媽比我o既訊息就係錢只會留番比d仔
唔知點解又唔會覺得唔公平^^
返多份part-time想搵多少少錢就可以洗多少少錢.
直至08年離婚之後有病........所有side business放低
健康要緊, 曾志偉比我o既金句, d錢洗到o岩o岩瞓落棺材就好啦.
關於金錢...........有人會買保險當儲蓄,,,,,,,,你問我, 我一定唔贊成
因為我有一份供到甩肺o既退休保, 供o左10年, 仲有10年至可以攞番, 年供差不多3萬
因為我有一份人壽保險唔供就會斷保........一年9000幾
因為我幫老媽買o左份保險, 原本6兄弟姊妹個個月百零蚊點知比亞哥甩晒底, 依家我要比6份5, 年供5000幾.
已經有一份兩三年前斷供o既保險, 供o左7萬幾, 最後得番萬幾.
所以我頂多贊成人家買純人壽. 乾手淨腳.
關於金錢..........我建議投資, 買外幣好買股票好........點都唔好剩係放係銀行收息, 此乃最笨的方法.
要收息倒不如買銀行股
今日有朋友問我買乜股票, 我真係唔識答囉.............
雖則騰訊令我賺番中國人壽蝕o既錢. ^^ (諗起都開心o既~~)
不過錢一定唔夠健康重要
上星期四開始我走o左去做gym
自己都唔知點解無啦啦會去做, 仲走到山長水遠
不過又覺得幾充實. 仲比以前早瞓覺
希望有恆心繼續落去~
發嗡風完畢~
黃師傅指導下做一個鐘器械(4人輪流做, 其實都冇一粒鐘o既)
呢支係我舉重o既地拖棍, 不過尋晚改用另一支重少少有20kgs的, (進步中^^)
留言列表